கிறுக்கல் - 38

அம்மா அம்மாவென

அழுத குழந்தை

அமைதியாக உறங்குகிறாள்

தூளியில் ஆடியே

புடவையில் நுகர்ந்தபடி

அம்மாவின் வாசம்...

கிறுக்கல் - 37

மூன்று நாளாய் தவிக்க வைத்த

முகம் மறந்த

முன்னாள் காதலி நினைவு

முடிவுக்கு வந்தது

தினசரியில் அவளின்

மௌன அஞ்சலி அறிவிப்பு...

கிறுக்கல் - 36

பார்வையால் கதைகள் பேசி

பழக்கத்தால் உணர்வுகள் ஒன்றி

பாழும் சூழ்நிலைச் சுருக்கால்

பேசியே பிரிந்த போது

கால் நழுவா பூமிபந்தும்

உணராத உயிரின் வலியும்

உணர்ந்தேன் இன்றுநான் - பார்த்ததால்

பலவருடம் கடந்து அவளை...

கிறுக்கல் - 35

திரும்பாது எனநினைத்து
சிந்திக்க மணமில்லாமல்
திருந்தவும் மணமில்லாமல்
ஆற்றுநீரில் எரியும்கல்லாய்

விளையாட்டாய் விட்டெறிய
வினைவந்து தழுவும்நேரம்
விசனப்பட்டு உணர்கிறேன்
வீரியமானவைதான் வார்த்தைகள்...

கிறுக்கல் - 34

நான்நடந்த பாதையெங்கும்
பலவாறாய் எனைக்காட்டி
என்னுள்ளே வீற்றிருக்கும்
உயிர்துடிப்பாய் தொடர்ந்திட்டாய்
நிலவணைத்த பகலவனாய்
எனைவந்து இருளணைக்க
எங்கேநீ மறைந்தனையோ
உடன்வந்த எந்நிழலே...