அழகுப் பொருட்களுக்கோர் பெட்டி
ஆபரணக் கற்களுக்கோர் பெட்டி
இனிப்பை காத்திடவோர் பெட்டி
ஈட்டும் பொருளுக்கோர் பெட்டி
உடைகள் வைத்திடவோர் பெட்டி
ஊழலாய் வாங்கிட ஓர் பெட்டி
எனப்பெட்டிகள் எத்தனை பெட்டிகளோ…
பெட்டிகள் பலதை பார்த்திருந்தும்
ஒப்பனை பலமாய் செய்து கொண்டு
அழுகும் உடலைத் தான் சுமக்கும்
சவப்பெட்டிபோல் எதையும் பார்த்ததுண்டோ
இப்பெட்டிக்கு இணையாய் வேறுமுண்டோ…