வேளைக்கு கிடைக்கும் உணவு
பொழுது போக்கிற்கு தொலைக்காட்சி
வேடிக்கைப் பார்க்க அந்த வீட்டின் அந்தரங்கம்
துள்ளி விளையாடியபடி
மகிழ்வுடன் தான் இருந்தது
அந்த கெண்டை மீன்...
வரவேற்பறையின் கண்ணாடித் தொட்டிக்குள்.!
இருந்தும்
இரண்டு நாட்களாக சோகம்...
ஓடும் நதிநீரில் மகிழ்ந்திருக்கும்
மீனை தொலைக்காட்சியில் பார்த்ததுமுதல்.!
வீதியிலிருந்து வந்த பந்து
தொட்டியை உடைத்த ஓடையில்
துள்ளியபடி...
கண்டிப்பாய் இது மகிழ்ச்சியில் அல்ல.!
No comments:
Post a Comment