Monday, August 1, 2011

பேருந்து பயணம்

அழுதரற்றும் குழந்தையை சமாதானமாக்கும்
அம்மாக்களின் தேற்றல்கள்...

அன்றைய அலுவலின் வேதனைகளை
அலுப்புடன் பகிரும் வட்டங்கள்...

சாய்ந்தவாறமர்ந்து கிசுகிசுக்கும்
காதல் ஜோடிகள்...

நண்பர்களுடன் சேர்ந்து
கூத்தடிக்கும் கேலிப்பேச்சுக்கள்...

சில்லறைக்காய் சிடுசிடுக்கும்
நடத்துனரின் முகபாவங்கள்...

இத்தனை இருந்தும் - அனைத்தும்
இரைச்சலின் இம்சையாகவே இருந்தது

நெரிசல் மிகு பேருந்தின்
நெடிய பயணத்தில் தனித்திருப்பவனுக்கு...

2 comments:

Post a Comment